Plum-cake me limon dhe boronica

Një recetë nga Brunilda Haxhiu, @brunildas_food

Përbërësit per 8 racione :

3  vezë

270 gr miell  00

50 gr niseshte

200 gr sheqer

170 ml qumësht

30 ml  lëng limoni

100 ml vaj luledielli

Lëkura e një limoni biologjik ( vetëm pjesa e verdhë)

1 pako pluhur fryrës për ëmbëlsira

1 dorë boronica

Për kremin sipër :

200 gr sheqer pluhur

1-2 luge lëng limoni

Përgatitja:

Si fillim rrahim vezët me sheqerin deri sa të përfitojmë një shkumë të fryrë.

Shtojmë vajin dhe vazhdojmë rrahjen , shtojmë qumështin dhe lëngun e limonit gjithmonë duke rrahur.

Shtojmë lekurën e limonit të grirë në rende dhe përziejmë mirë.

Në fund shtojmë miellin , niseshtenë dhe pluhurin fryrës duke situr e duke rrahur në mënyrë që të përfitojmë nje brumë pa kokrriza . Kalojmë një dorë boronica në niseshte dhe i shtojmë tek brumi.

Lyejmë tepsinë formë për plum-cake me pak gjalp dhe pluhurosim me miell. Shtojmë brumin i cili duhet të mbushë vetëm 3/4 e formës .

Pjekim në furrë te parangrohur 170 gradë për 35-40 min

Sipas dëshirës mund ta shërbejmë me sheqer pluhur sipër ose me një krem të përfituar nga sheqeri pluhur përzier me disa pika lëng limoni.